ماشى أمد فى خطوتى لقدام
شايل على كتف الأمل أحلام
راسم على سطر الوطن دايرة
فيها الحياة فيها أنا
فيها ملامح بكرة وسنين الهنا
ييجى الهنا من وسطنا
لو كل واحد مننا
عارف طريقه وسكته
أنا وإنت ترنيمة وطن
لحن وغنا
غنوة تقول احنا هنا
إحنا اللى كان
واحنا اللى جاى مستنى إيه
إكتب على وش الزمن راجعين
أنا مش هقول كنا وكان
وكان زمان
أنا بس هشرب من زمان مرة
واملى الضلوع
واقول لخوفى والظنون برة
وماشى أمد ف خطوتى لقدام
هناك 4 تعليقات:
جميل
ونتمنى أن يتم نشرها فى منتدى البركة باب الشعر والأدب
منتظرينك
ايه الجمال ده يا ابو نور يافارس
ايه الحروف اللى بتسطر جوانا الامل
والله كلماتك بتفكرنى بأيام زمان
يارب ترجع لينا بقى بالسلامه
رائعة تلك الكلمات التي دائما وأبدا تمتعنا
وشكرا لك
مع تحياتي
(وأنت كمان وحشني اوي)
الله يا أبو نور الدين بارك الله لك فى نور الدين
أخوك : ابــ الخطاب ــن
إرسال تعليق