جايز تصحى ف حسنا نبرة ضمير
أو حتى حرفين وجع
أصل الوجع
مش دمعتين ولا صرختين
أصل الوجع
إن الدموع
ترفض تطاوع ذلها
ترفض تسيل فوق الخدود
وإن اللسان من كتر مااترصت على طروفه الحروف
ينطق خرس
وان الإيدين اقرب لها من شق فستان الفرح
تمسك ولو حبة حصى
متغمسين دم الولا
أنا عندى ف كتاب العزايم هو دا معنى الوجع
أنا عندى فى كتاب الضمير
اللى اشتريته يوم ضميرنا ما انتحر
إن اللى تطلع كلمته شايلة السيوف
ومسرجة كل الخيول
وفعله معجون بالعدم
هو العدو
هواللى دابح عزمنا
ومفرق الدم اللى نازف ع الجلوس نخب انتصار
وعرفت إن الكلمة من كتر الوجع ومعاها ترنيمة سكوت
بتساوى ميت مليون وجع
يعنى الضمير اللى انتحر لازم يعود
لازم يعود الدم لعروقنا اللى صدت من زمن
لازم نغير شكلنا
ونغيره من قلبنا
من جوا
جنب الحلم ما هو نايم حزين
وسطور
جايز تخربش فوق جدار القلب
وتصحى الضمير
أبونور الدين
المدينة المنورة
هناك تعليقان (2):
كلامك وحشنا بجد أبو نور الدين
مدونة البركة
http://albrka.blogspot.com/
منتدى البركة
http://albrka.hooxs.com/
أبو صلاح الدين " القعقاع "
أوعى تكون نسينى
الله عليك يازارع الضحكه فوق وشوش المدبوحين والله الله عليك
وحشنا شعرك يااخى وحبيبى
والله ياحوده محتاجين شعرك وكلامك فى ايامنا ديه
بحبك ياحوده
ياضحكه بترسم الفرحه فى عنيا يانور الحياه وكل اللى لينا
بحبك وحبك دا طوق النجاه لقلبى وعقلى ياكل الحياه
شعرى طبعا مش زيك لكن احنا التلامذه
إرسال تعليق