القصيدة دى مش من تأليفى دى من تأليف الزميل الشاعر أحمد فؤاد نجم
وعايز أعرف رأيكو فيها
بقرة حاحا
ناح النواح و النواحة
على بقرة حاحا النطاحة
و البقرة حلوب
حاحا
تحلب قنطار
حاحا
لكن مسلوب
حاحا
من أهل الدار
حاحا
و الدار بصحاب
حاحا
و احداشرباب
حاحا
غير السراديب
حاحا
و جحور الديب
حاحا
و بيبان الدار
حاحا
واقفين زنهار
حاحا
و يوم معلوم
حاحا
عملوها الروم
حاحا
زقوا الترباس
حاحا
هربوا الحراس
حاحا
دخلوا الخوجات
حاحا
شفطوا اللبنات
حاحا
و البقرة تنادي
حاحا
و تقول يا ولادي
حاحا
و ولاد الشوم
حاحا
رايحين ف النوم
حاحا
البقرة انقهرت
حاحا
ف القهر انصهرت
حاحا
وقعت ف البير
حاحا
سألوا النواطير
حاحا
طب وقعت ليه
حاحا
وقعت م الخوف
حاحا
و الخوف ييجي ليه
حاحا
من عدم الشوف
حاحا
وقعت م الجوع
و من الراحة
البقرة السمرة النطاحة
ناحت مواويل النواحة
على حاحا
و على بقرة حاحا
هناك 5 تعليقات:
بص يا د\حوده بقالك كتير محدش قالك كده انا عارفه
انت عارف اد ايه بحب شعر نجم
لكن لو دى مدونتك وانت النجم فيها يبقى لازم اشوف كلماتك الى وحشتناا اووووووووى
مهما تصورت مدى الاشتياق ليها مش هتعرف
لكن لازم تكتب مواضيع نار زى ما كنت بكلماتك بتحيى جوانا احلام كتير
زى ماصحيت ضميرنا اللى انتحر
فاكر كتاب العزايم
عايزين طفل باقى من عصور الانكسار
زى نفسى ياامه
عايزين كل كلمه حلوه منك
الكلام اللى بنى احلامنا وكبر عقولنا
ياابى لعد ابى
دا احنا تلامذتك ولينا الشرف
عايزه اقولك على حاجه مهمه
احنا مستنينك ياحاج الاوضه ماتفتحتش
بحبك يا حوده
اختك وصغيرتك
اللى مغلباك
عاشقه الاقصى
مينفعش اقول الاسم اللى انت كنت متوقعه
سلامى لرسول الله
الله ...بجد راااااااااائعة ..جزاكم الله خيرا...وربنا يوفقك :)
قصيدةنجميلة ولهادلالات عديدة لمن يفهم ربنايوفقك انت طول عمرك رهيب أصلا ياصاحب الكلمات الراقية يامن عزفت على أوتارقلوبنايافنان زدنا كمان وكمان ورجعناللزمن الجميل
الشعراء الاسلامين كثيرون ياريت نقراء لهم افضل لانهم هم المعنيون بالامه الاسلاميه وياريت تعرض لنا شعر د\ عبد الرحمن العشماوى وله موقع على النت باسمه له شعر كثير يحمل هم الامه الاسلامية على عاتقه وله بيت شعر جميل يقول ياامة العرب افناكم تسايقكم الى الخلاف فمن ذا احرز القصدا يومزق الطفل تمزيقا فما زرفت عين السياسة او ابدت له غضبا
ياجماعة أنا عارف إن الشعراء الإسلاميين كتير وبنقرألهم برضه
أنا هنا حبيت أوصل حاجة عجبتنى من باب الحكمة ضالة المؤمن
وبعدين نتعاون فيما إتفقنا عليه
وهو نجم ناقص شهرة عشان أشهره
دا كان بص مجرد رأى
وجزاكم الله أكبر
إرسال تعليق